"Заминувањата на Ибра и Касано помогнаа многу во мојот напредок."

Автор: Љупчо Илиев.

(Стефан Ел Шаарави прославува еден од неговите погодоци оваа сезона)

Младиот италијански супер-талент, Стефан Ел Шаарави смета дека заминувањето на Ибра и Касано односно големата промена на тимот многу помогнала во неговиот напредок.

"Со заминувањата на Ибра и Касано јас веднаш добив повеќе слобода за игра.
 Јас ја започнав сезоната на најдобар можен начин. Кај мене има голем напредок." -изјави Ел Шаарави за официјалната веб-страна на УЕФА.

Потоа италијанецот му се заблагодари на Масимо Алегри за тоа што имаше доверба во него уште од кога пристигна во Милан во 2011 година.

"Јас чувствувам дека тој има доверба во мене, а тоа го заклучив уште минатата сезона кога забележав 28 настапи." -продолжи италијанецот.

"Оваа година се почувствував уште по поласкан, бидејќи првите два натпревари во
 Сериа А оваа сезона не ги одиграв добро, но тој не ја изгуби довербата во мене. Јас многу му се заблагодарувам за тоа."

Оваа сезона во рамките од Сериа А, Ел Шаарави одигра 15 натпревари и постигна 12 голови.

Анжи подготвува мега-понуда за Торес?

Автор: Љупчо Илиев.

(Торес прославува гол во дресот на Челси оваа сезона)

Според пишувањата на Руските медиуми, Анжи подготвува мега-трансфер кој би требало да се реализира во зимскиот трансфер период.

Според Руските медиуми, Анжи на Челси ќе му исплати 35 милиони евра за услугите на шпанецот. Челси е во потрага по напаѓач, а тоа би требало да значи и крај на Фернандо Торес во "синиот" дрес, а и 35 милиони евра се прифатлива цена имајќи ја во предвид слабата форма на Торес.

Доколку понудата биде прифатена и Торес замине во Анжи ќе има неделна
плата од 300.000 фунти, односно околу 15 милиони евра годишно.

Објавена листата на напаѓачите кој се кандидати за идеалниот тим на годината!

Автор: Љупчо Илиев.

Здружението на професионални фудбалери (ФИФПро) и ФИФА денеска ја објавија листата на 15 напаѓачи кој се конкуренти за идеалниот тим на годината.

Идеалниот тим за изминатата 2012 година ќе содржи 11 играчи и ќе биде избран на 7 Јануари 2013 година, а ќе се бира од 50.000 членови на ФИФПро.

Номинирани напаѓачи за идеалниот тим на годината се: Агуеро, Фалкао, Ибрахимович, Ето, Дрогба, Ван Перси, Меси, Роналдо, Суарез, Балотели, Бензема, Кавани, Гомез, Нејмар и Руни.

Алтидор заминува во Лондон?

Автор: Љупчо Илиев.

(Жози Алтидор прославува гол во дресот на АЗ Алкмаар)

Челси и Тотенхем се клубовите кој се споменуваат за главни кандидати во трката за американскиот напаѓач, Жози Алтидор.

23-годишникот некое време беше на позајмица во Хал Сити каде што одигра разочарувачки, но одкога замина во АЗ Алкмаар неговата форма се врати и оваа сезона има постигнало 9 голови на 7 натпревари за АЗ Алкмаар во холандското првентство.

"Жози се развива фантастично, тој е ѕвездата во нашиот тим и го докажува тоа со неговите голови." -вели спортскиот директор на АЗ Алкмаар.

"Нешто како ова не може а да не биде забележано од странство. Исто така и оваа сезона скаути од големи клубови како Барселона, Баерн Минхен, Челси и Тотенхем ги следеа игрите на нашиот тим."

Баерн Минхен и Барселона сеуште не пријавиле интерес за некој играч, покрај тоа што ги следеле игрите на АЗ Алкмаар како што вели спортскиот директор на холандскиот клуб, но затоа пак Челси и Тотенхем размислуваат за доведување на 23-годишниот напаѓач, Жози Алтидор.

"На ти го, дај ми го" ќе прават ПСЖ и Интер?

Автор: Љупчо Илиев.

(Весли Снајдер во дресот на Интер сезонава)

Весли Снајдер е најплатениот фудбалер на Интер и има годишни примања од 6 милиони евра.
Од Интер се спремни да му понудат нов договор, но со доста помала плата.

Како што се вели низ италијанските медиуми, Снајдер во моментов одбива да го стори тоа и по се изгледа дека во Јануари "Нероаѕурите" ќе го продадат холанѓанецот.

Манчестер Јунајтед веќе подолго време се интересира за услугите на Весли Снајдер, но последните шпекулации на медиумите од Италија и Франција велат дека интерес пројавува и богатиот ПСЖ.

Се споменува дека на Анчелоти и на некој останати во клубот им се допаѓа играта на Снајдер, па според медиумите, газдите на францускиот клуб се спремни да го дадат 23-годишниот Пасторе за кого пред 15 месеци потрошија околу 40 милиони евра.

28-годишникот, покрај тоа се споменува и во можна трампа со која би завршил на "Олд Трафорд", а трампата би гласела вака: Нани во Интер, Снајдер во Манчестер Јунајтед.

Како и да е, останува да видиме каква ќе биде судбината на холанѓанецот.

Парма-Интер (одбележано низ статистики)

Автор: Љупчо Илиев.

21:00 | Парма - Интер

Денеска, 26 ноември, во 21:00 на "Стадио Енио Тардини" екипата на Парма ќе го пречека гигантот Интер во рамките од Сериа А.
Парма се наоѓа на десетата позиција и е на само бод разлика во однос на Аталанта и Милан, кој се девето односно осмо пласирани. Заразлика од Парма, Интер е многу погоре и ја дели втората позиција со Фиорентина, а истовремено е на -4 во однос на Јувентус. Во последните пет натпревари од Сериа А, Парма забележа 2 победи, 2 нерешени натпревари и 1 пораз, додека Интер на последните пет натпревари од Сериа А забележа 3 победи, 1 пораз и 1 нерешен натпревар.

На последните пет меѓусебни дуели на Парма и Интер има 2 победи на Парма, 2 на Интер и 1 нерешен резултат.
Распоредот оди вака: Нерешено, победа на Интер, победа на Парма, победа на Интер, победа на Парма. Доколку вака продолжи може да се воочи што следи, а инаку за време на овие последни пет меѓусебни дуели на Парма и Интер се постигнале 20 гола, од кои 12 постигнала екипата на Интер и 8 екипата на Парма.

Според статистиката, не очекува одличен натпревар, а ќе можете да го следите на "Телевизија Телма" со директен пренос од 21:00.

Челси и Тотенхем водат битка за Вилијан!

Автор: Љупчо Илиев.

Вилијан, фудбалерот на Шахтар кој оваа како и минатата сезона воодушевува со своите настапи е трансфер цел на Челси и Тотенхем.

Вилијан уште од минатото лето е трансфер цел на Челси, а интересот на "сините" за овој фудбалер се зголеми по натпреварот на "Стемфорд Бриџ" каде што Челси го победи Шахтар со 3-2 а головите за Шахтар ги постигна токму Вилијан.

Тотенхем исто така е заинтересиран за неговите услуги и е клуб кој може лесно да ја добие битката за Вилијан, бидејќи инкасира 40 милиони фунти од продажбата на Модрич, а најверојатно Тотенхем ќе го продаде и Бејл, за кој е заинтересиран Реал Мадрид а трансферот би требало да чини некаде околу 60 милиони фунти.

Според говорењата низ медиумите, Шахтар би го продал Вилијан за 30 милиони фунти што за Челси и Тотенхем не е тешка сума.